स्टीव्ह जॉब्स हे केवळ यशस्वी बिझनेसमन नव्हते, तर जगाकडे पाहण्याची त्यांची दृष्टीही विलक्षण होती. "How to Think Like Steve Jobs" या पुस्तकात डॅनियल स्मिथ यांनी स्टिव्ह जॉब्सला मोजक्या पण इफेक्टिव्ह पद्धतीने लोकांसमोर आणलं आहे. हे पुस्तक जॉब्सच्या आयुष्यातील अनुभव, निर्णय, अपयश आणि यश यांमधून शिकण्यासारखे धडे समोर आणते.
जॉब्स यांचा विश्वास होता की खऱ्या अर्थाने नावीन्य हे टेकनॉलॉजी आणि क्रिएटिव्हिटी यांच्या कॉम्बिनेशनमधून जन्माला येते. त्यांनी नेहमीच वेगळा विचार करण्यास, मोठी स्वप्ने पाहण्यास आणि उत्कृष्टतेचा ध्यास घेण्यास प्रोत्साहन दिले. ग्राहकांना काय हवे आहे हे विचारण्यापेक्षा त्यांना भविष्यात काय आवश्यक वाटेल याचा अंदाज घेण्याची त्यांची क्षमता त्यांना इतरांपेक्षा वेगळे बनवत होती. या पुस्तकात एक मस्त वाक्य आहे, "अलेक्झांडर ग्रॅहम बेलनं टेलिफोनचा शोध लावण्याआधी मार्केट रिसर्च केला होता ?"
जो मुख्य मुद्दा या पुस्तकात मांडला आहे तो म्हणजे यश हे केवळ टॅलेंट किंवा लक मुळे मिळत नाही. क्लिअर व्हिजन, डेडिकेटेड एफर्टस, डिटेलिंग आणि आपल्या कामाबद्दल असलेली क्युरिऑसिटी यामुळेच अल्टिमेट परिणाम साधता येतात. अपयश आले तरी त्यातून शिकून पुढे जाणे आणि स्वतःच्या कल्पनांवर विश्वास ठेवणे हेच स्टीव्ह जॉब्स यांच्या विचारसरणीचे सार आहे.
हे पुस्तक प्रत्येकाने वाचले पाहिजे. ते आपल्याला आठवण करून देते की जग बदलणाऱ्या कल्पना नेहमीच वेगळा विचार करणाऱ्या लोकांकडून येतात.
"तुमचा वेळ मर्यादित आहे, त्यामुळे दुसऱ्यांचे आयुष्य जगण्यात तो वाया घालवू नका. स्वतःच्या विचारांवर विश्वास ठेवा, धाडसाने निर्णय घ्या आणि उत्कृष्टतेचा पाठपुरावा कधीही थांबवू नका."
- सुबोध अनंत मेस्त्री
Comments
Post a Comment