सुंदर पिचाई - गूगलचं भविष्य

 

“सुंदर पिचाई - गूगलचं भविष्य”

हे पुस्तक केवळ सुंदर पिचाई यांच चरित्र नाही, तर एका सामान्य मध्यमवर्गीय मुलाचा जगातील सर्वात प्रभावशाली तंत्रज्ञान कंपनीचा CEO होण्यापर्यंतचा प्रेरणादायी प्रवास आहे. सुंदर पिचईबद्दल माहिती देतानाच हे पुस्तक गुगलच्या कार्यपद्धतीवर जास्त प्रकाश टाकतं.

पुस्तकाची सुरुवात चेन्नईतील त्यांच्या साध्या बालपणापासून होते. मर्यादित साधनं, अभ्यासाची आवड, विलक्षण स्मरणशक्ती आणि प्रत्येक संधीचं सोनं करण्याची त्यांची वृत्ती यामुळे ते सतत पुढे जात राहिले. IIT, Stanford आणि Wharton पर्यंतचा त्यांचा प्रवास चॅलेंजेस, हार्डवर्क आणि योग्य डिसीजन्सने भरलेला आहे.

आय आय टी खडकपूरमध्ये शिकलेल्या सुंदर पिचाई यांनी १९९३ मध्ये स्टँडफोर्डची स्कॉलरशिप मिळवून अमेरिकेला आले तेव्हा त्यांच्याकडे सॅक घ्यायलाही पैसे नव्हते. २००४ साली "हेड ऑफ प्रॉडक्ट मॅनेजमेंट एंड डेव्हलपमेंट" या पोस्टसाठी गुगल मध्ये प्रवेश केल्यानंतर त्यांनी Google Toolbar, Chrome, Chrome OS, Gmail, Google Drive, Android आणि इतर अनेक महत्त्वाच्या उत्पादनांमध्ये केलेली लीडरशिप पुस्तकात प्रभावीपणे मांडली आहे. विशेषतः गुगल क्रोम हा प्रकल्प सुरुवातीला किती धाडसी निर्णय होता आणि स्वतः गुगल चा त्यावेळीचा सी. ई. ओ. श्मिडट त्याच्या विरोधात असताना योग्य वेळ बघून श्मिडट आपल्या बाजूने वळवून क्रोम प्रत्यक्षात आणलं आणि त्याने गुगलचं भविष्य कसं बदललं, हे यात उत्तम मांडलं आहे. मुळात एवढी मोठी कंपनी असूनसुद्धा तिला किती मोठ्या जागतिक स्पर्धेला सामोरे जावे लागते आणि कित्येत चॅलेंजेस पार करावे लागतात हे या पुस्तकातून स्पष्ट होतं. यशाच्या शिखरावर पोहचणं जितकं कठीण तितकच कठीण तिथे टिकून राहणं आहे.

पुस्तकातील एक महत्त्वाचा भाग म्हणजे सुंदर पिचाई यांची लीडरशिप. ते कधीही आक्रमक किंवा क्रेडिट घेणारे लीडर म्हणून दिसत नाहीत. शांतपणे ऐकणं, प्रत्येकाच्या मताचा आदर करणं, योग्य प्रश्न विचारणं आणि टीमला पुढे आणणं, ही त्यांची खरी ताकद आहे. आजच्या मॅनेजर्स आणि उद्योजकांसाठी ही मोठी शिकवण आहे.

पुस्तकात गुगल च्या संस्कृतीवरही प्रकाश टाकण्यात आला आहे. नवनवीन आयडीआ, प्रयोग करण्याचं फ्रिडम, अपयशातून शिकण्याची तयारी आणि लाँग टर्म विचार या गोष्टींमुळे गुगल ने जगभरात वेगळं स्थान निर्माण केलं. टेक्नॉलॉजीचा उपयोग लोकांचं जीवन अधिक सोपं करण्यासाठी कसा केला जाऊ शकतो, हे अनेक उदाहरणांमधून स्पष्ट होतं. मुळात कितीतरी उत्पादने लाखो डॉलर्स खर्च करून फेल गेल्यावरही टीमच्या एफर्ट्सच कौतुक गुगल मध्ये होतं.

Android, Artificial Intelligence, Cloud Computing आणि इंटरनेटचं भविष्यातील महत्त्व याबद्दलही पुस्तकात चर्चा आहे. तंत्रज्ञान फक्त बिझनेससाठी नाही, तर जगभरातील अब्जावधी लोकांपर्यंत माहिती आणि संधी पोहोचवण्याचं साधन आहे, हा सुंदर पिचाई यांचा दृष्टिकोन प्रभावी वाटतो.

मला या पुस्तकातून जास्त काय आवडलं असेल तर नम्रता आणि यश एकत्र नांदू शकतात, लीडरशिप म्हणजे फक्त आदेश देणं नाही तर लोकांना एम्पॉवर करणं, योग्य डिसीजन घेण्यासाठी आधी योग्य प्रश्न विचारावे लागतात, आपण सतत शिकत राहिलो पाहिजे हीच दीर्घकालीन यशाची गुरुकिल्ली आहे, मोठ्या यशामागे अनेक वर्षांची कन्सिस्टंट मेहनत असते, तंत्रज्ञानाचं अंतिम उद्दिष्ट माणसाचं जीवन अधिक चांगलं करणं हेच असलं पाहिजे.

हे पुस्तक विशेषतः बिझनेसमन, मॅनेजर्स, स्टूडेंट्स किंवा लीडर्स होऊ इच्छिणाऱ्या प्रत्येकाने नक्कीच वाचावं. हे पुस्तक तुम्हाला फक्त सुंदर पिचाई यांची ओळख करून देत नाही, तर मोठा विचार करण्याची, शांतपणे काम करण्याची आणि सतत स्वतःला डेव्हलप करण्याची प्रेरणा देतं.

“मोठं पद मिळवणं हे यश नाही. त्या पदावर राहून अब्जावधी लोकांचं जीवन अधिक चांगलं करणं, हेच खरं नेतृत्व आहे.”

- सुबोध अनंत मेस्त्री