2009 साली पी. बी. सी. निमित्त आपली पहिली भेट झाली. दोघांचं राहण्याचं ठिकाण कामोठेच त्यामुळे ओळख आणि मैत्री वाढत गेली. प्रत्येक बुधवारी मिटिंग आणि उद्योजकांसाठी काम करणारे आपण दोघे धडाडीचे कार्यकर्ते, त्यातल्या त्यात उद्योगात दोघेही नवीन त्यामुळे आपली मैत्री बहरत गेली. स्ट्रगलचा बराचसा काळ आपण एकत्र घालवला आणि मग चार चौघात उठून दिसणाऱ्या "महेश" सरांच रूपांतर "मया"मध्ये झालं.
तुझ्या नावात जरी शंकर देवाचं स्थान असेल तरी तुझं उग्र रूप मी इतक्या वर्षात पाहिलं नाही पण फायनान्स या विषयावर तू मार्केटवर नेहमी राज्य करत राहिलास. मंगेश नेहमी मस्करीत म्हणतो, " महेश जोक्स पण फायनन्सवरच मारतो. इतर कोणत्याही विषयावर बोलायला लागला तर पाचव्या मिनिटाला तो फायनान्स या विषयावर येतो", हे ऐकताना थोडं गंमतीदार वाटलं तरी मंगेश किंवा आम्हा सगळ्यांना डाऊन दी लाईन एक गोष्ट माहितेय की तू फायनान्स हा विषय कोळून प्यायला आहेस. यापेक्षा एका यशस्वी उद्योजकाच लक्षण ते काय असू शकत? कुठे किती बोलायचं आणि कुठे किती वेळ थांबायचं किंवा वेळेचा प्रॉडक्टिव्ह वापर कसा करायचा हे तुला अगदी व्यवस्थित जमतं. एकदा एम.बी.सी. मीटिंगनंतर तू एका प्रोसेसबद्द्ल तेजस सरांना पेपरवर फ्लो चार्ट ड्रॉ करून दाखवत होतास आणि मी तिथेच उभा होतो. मला ते बघून कौतुक वाटलं आणि मी सहज म्हटलं, "मी आतापर्यंत हा पेपर रंगवला असता एवढी खाडाखोड केली असती", तेव्हा तेजस सर म्हणाले, " त्यासाठी थॉट्स मध्ये स्पष्टपणा लागतो जो महेश कडे चांगला आहे". आणि हे अगदी खरं आहे. मला तुझ्या विजनबद्द्ल किंवा थॉट प्रोसेसबद्दल कायम कुतूहल वाटत राहिलं आहे. अजूनही आहे.
आपल्या आजूबाजूंच्या लोकांचा कायम ग्रोथ होत राहावा ही तुझी मानसिकता जवळून पाहत राहिलो आहे. माझ्या बाबतीत मी टेकनॉलॉजी बाबतीत काय नवीन करू शकतो याबद्दल तुला मार्केटमधुन जेव्हा काही नवीन कळतं तेव्हा तू लगेच ते मला शेअर करत राहतोस. टेक आय टी ईजीअर बरेच वर्ष करण्याची ईच्छा होती पण नेमकं काय करावं कळत नव्हतं. पण तुला ही गॅप लगेच समजली आणि एक ट्रेनींग आपण सोबत अटेंड असती. मला तू ट्रैनिंग प्रोग्राम डिजाईन करण्यात मदत केलीस. कदाचित त्याशिवाय मी टेकनॉलॉजी ट्रैनिंग मध्ये लगेच पाय टाकला नसता. माझ्यासोबत अजा असेल किंवा विनोद दादा असेल तू तुझ्या सर्कल मधल्या प्रत्येक व्यक्तीबाबत फक्त योगदानाची भावना ठेवतोस. तुझ्या आजूबाजूचा प्रत्येकजण वैयक्तीक आयुष्यात कसा मोठा होईल हाच तुझा कायम प्रयत्न राहिला आहे.
कोलॅबरेशन आणि काँट्रीब्यूशन या दोन तत्वांवर तू आयुष्य जगत आलास आणि ती तुझी ताकद आहे. चुकीच्या गोष्टींना स्पष्ट चुकीची दाखवणे आणि त्याबाबतीत वेळोवेळी योग्य तो स्टॅण्ड घेणे हे तुझ्या इतकं चांगलं कुणाला जमतं असं मला वाटत नाही. इतके चॅलेंजस फेस करत असताना नेहमी सकारात्मक राहणं व चेहऱ्यावर स्माईल ठेवणं तुझ्याकडून शिकावं. प्रत्येकाच्याच आयुष्यात तुझ्यासारखा एक मित्र असावा. आम्ही त्या बाबतीत भाग्यवान आहोत. मित्राच्या पलीकडे आता आपलं भावाचं नात आहे आणि तेच कायम राहिल. बरीच वर्ष लिहायचं होत पण राहून गेलं. आज मुहूर्त लागला तुझ्या बाबतीतल्या भावना उतरवण्यासाठी. तुला भरपूर आयुष्य मिळो, तुझ्या प्रगतीचा आलेख असाच चढता राहो आणि तुझ्या हातून अगणित लोकांचं कल्याण होत राहो.
वाढदिवसाच्या भरघोस शुभेच्छा भावा!
लव्ह यु!
- सुब्या
Comments
Post a Comment